Agar wo kahe toh keh dun is jahaan se
Ek pari aasmaan se utar kar jameen pe aayi hai
Kya pata usse kya rishta hai mera
Na jaane kyun mere sapno me rehne aayi hai
Mili thi wo mujhe ek shaam suni raahon pe
Mujhse kehti hai meri zindagi me rang bharne aayi hai
Pehle toh laga ki ye mahaz band aankhon ka kissa hai
Par wo ek haqeeqat hai
Kehte hain khuda ne pehli baar aisi rehmat barsaayi hai
Baat hai us raat ki jab ek taara dharti ke sabse kareeb aaya tha
Uske aane ka paigham ek toofan laaya tha
Mai baitha tha samundra ke kinaare
Jab saat rang paani ki lahron me nazar aaya tha
Use swarg se utarte sirf maine dekha tha
Lahron pe chal ke jab wo mere kareeb aayi thi
Uski aankhen, uska chehra, uske pankh in labzon me bayaan nahi kar sakta
Kaise bataun uski khoobsurti ne, us shaam kya gazab dhayi thi
Rehti hai wo mere paas hi meri rooh ban kar
Maano saath jeene, saath marne aayi hai
Shayad ab toh khuda bhi mujhse jal raha hoga
Apne noor ke didaar ko taras raha hoga
Bas isliye kehta hun use "Tu chali jaa waapas apne jahaan me"
Toh muskuraa ke mujhse kehti hai "Tere bin akele kahin nahi jaungi, bas ek tera saath ho toh hi us rab ko paungi"
